2017 йилнинг март ойида Россиянинг Домодедово аэропортида ўзбекистонлик аёлдан олиб қўйилган тўртта макака Саранск ҳайвонот боғига жўнатилади, деб хабар беради Sputnik.
Ўтган йилнинг март ойида Домодедово аэропорти божхона хизмати ўзбекистонлик аёл Вьетнамдан ҳужжатсиз олиб келган 15 та маймунни олиб қўйган эди.
Маймунлар картон қутиларда озуқа ва сувсиз олиб келинаётган эди. Уларнинг аксарияти совуқдан музлаган, очликдан ҳолдан тойган эди. Шу сабабли жониворларнинг аксарияти нобуд бўлганди. Ўшанда маймунлар ёввойи ҳайвонларни қўллаб-қувватлаш марказига топширилган эди.
«Жониворларни ёмон шароитларда хорижий мамлакатлардан ноқонуний олиб келиш ҳолатлари тез-тез учраб туради. Уларнинг кўпчилиги йўлда нобуд бўлади. Биз мана шундай ҳолатларга барҳам бериш учун божхона, полиция ва жамоат экология ташкилотлари билан ҳамкорлик қиламиз», — дейилади Москва атроф-муҳитни муҳофаза қилиш департаменти хабарида.
Изоҳ (0)