Тошкент тиббиёт академиясида бакалавриат ва магистратура талабалари, клиник ординаторлар ва ёш илмий тадқиқотчилар иштирокида ўтган навбатдаги илмий-амалий конференция тиббиётдаги инновацияларга бағишланди. Бу ҳақда ЎзА хабар берди.
Соғлиқни сақлаш вазирлиги билан ҳамкорликда ташкил этилган анжуманда Тошкент тиббиёт академияси, Тошкент педиатрия тиббиёт институти, Тошкент давлат стоматология институти, Самарқанд, Бухоро, Андижон тиббиёт институтларидан вакиллар иштирок этди.
Тадбирда аҳолига юқори сифатли тиббий хизмат кўрсатиш, тиббиёт муассасалари моддий-техник базасини мустаҳкамлаш, соҳа ходимларининг билими ва касб маҳоратини ошириш, уларни ҳар томонлама қўллаб-қувватлаш ва рағбатлантириш борасида олиб борилаётган ишлар ўз самарасини бераётгани таъкидланди.
Анжуманда ёш олимлар томонидан ўзбек, инглиз ва рус тилларида тиббиётнинг долзарб масалалари, хорижий тажриба ва инновацион ғояларга бағишланган 40 дан ортиқ маъруза ва афишалар тақдим этилди.
Тадбирда илм-фан ютуқлари ва янги технологиялар юзасидан тажриба алмашилди, маҳорат дарслари ташкил этилди.
Изоҳ (0)