Қозоғистоннинг Семей шаҳрида маршрутка ҳайдовчиси унутиб қолдирилган ҳамённи эгасига қайтарди, деб ёзади «Nur.kz».
Семей шаҳрида яшовчи Сауле фитнес клубдан чиқиб, уйга қайтиш учун 36-рақамли маршруткага чиққан. Йўл ҳақи учун тўлаган аёл ҳамёнини тиззасидаги пакет устига қўйган. Маршруткадан чиқаётиб эса, ҳамённи тушуриб қолдирган, уни йўқотганлигини эртаси куни эрталаб пайқаган.
«Тонгда уни топа олмадим. Ҳамёнда 30 минг тенге нақд пул, бундан ташқари, шахсни тасдиқловчи гувоҳнома, ташриф қоғозлари, квитансия ва ичида 400 минг тенге бўлган карточка бор эди», — дея ҳикоя қилади Сауле.
Шу куни кечқурун аёлга фитнес клуб мураббийи қўнғироқ қилиб, уни маршрутка ҳайдовчиси қидираётганлигини маълум қилган. Ҳайдовчи фитнес-клуб манзилини ҳамёндаги абонемент бўйича топган ва ҳамённи қайтарганлиги учун пул мукофоти олишдан бош тортган.
Изоҳ (0)