Суриянинг Хомс вилоятида жойлашган Т-4 ҳарбий аэродроми 9 апрель куни ракета ҳужумига учради. Al Arabiya телеканалининг таъкидлашича, зарба исроил Ҳарбий-ҳаво кучлари томонидан амалга оширилган, деб ёзади «ТАСС».
Ҳужум оқибатида 14 нафар ҳарбий хизматчи, шу жумладан, бир нечта эронлик маслаҳатчи ҳалок бўлган.
Аввалроқ Al-Mayadeen телеканали Хомсдаги ҳарбий аэродромга ракета зарбаси берилган вақтда Исроил ҲҲК самолётлари Ливан осмонида бўлганлигини хабар қилган эди.
Суриялик ҳарбий манба Сурия ракетага қарши мудофаа тизимлари ҳужумни қайтаришда саккизта ракетани уриб туширганлигини маълум қилган. Улардан нечтаси нишонга бориб етганлиги ҳозирча хабар қилинмади.
Исроил томонидан ракета зарбасини тасдиқловчи ҳеч қандай маълумот ҳозирча келиб тушмаган.
Изоҳ (0)