ИШИД гуруҳи террорчилари Суриянинг Хомс вилоятидаги Т-4 ҳарбий аэродромига ракета зарбаси берилганидан кейин, Сурия чўлида ҳукумат кучлари жойлашган нуқталарга ҳужум қилди, деб ёзади «ТАСС». Ҳужум Себаа-Биар туманида қайтарилди.
SANA агентлиги ҳарбий манбасига таяниб, аэродромга ҳужум АҚШ қуролли кучлари томонидан берилганини даъво қилди. Аммо Оқ уй ва Пентагон АҚШнинг Сурия аэродромига берилган зарбага алоқадорлигини тасдиқламади.
Кейинроқ Al Mayadeen телеканали Суриянинг Хомс вилоятидаги Т-4 аэродромига ракета зарбаси берилган вақтда Исроил ҳарбий-ҳаво кучлари Сурия ва Ливан ўртасидаги чегара ҳудудида разведка парвозларини амалга ошираётган бўлгани ҳақида хабар берди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)