Берлин марказида черков, масжид ва синагога (яҳудийлар ибодатхонаси)ни ўзида бирлаштирган ибодатхона қурилади, деб ёзади «РИА Новости». Қўшма ибодатхона қурилиши 2019 йилда бошланиб, икки йил давом этади.
Лойиҳанинг асосий ғояси «турли динлар вакиллари ўртасида ғоя ва фикрлар алмашинуви»дан иборатдир. Бундай йиғинларни ибодатхонанинг марказий залида ўтказиш режалаштирилмоқда.
Бинода турли динлар ибодатхоналари битта том остида жойлашса-да, уларнинг ҳар бирининг ўзига хос жиҳатлари инобатга олинади. Масалан, синагога ҳам, масжид ҳам шарқ томонга қараган бўлади.
Қурилиш 43 миллион еврога тушиши тахмин қилинмоқда. Айни пайтгача хайрия тадбирларидан 8,6 миллион евро тўпланган. Лойиҳа етакчилари қурилиш бошланиши учун 12 миллион евро ҳам етарли бўлишини айтмоқда.
Изоҳ (0)