Нью-Йоркнинг Бруклин туманида полициячилар 34 ёшли қора танли эркакнинг қўлидаги қувур бўлагини тўппонча деб ўйлаб, уни отиб ташлади, деб ёзади Forum Daily.
Қора танли эркак кўчада юриб, қўлидаги тўппонча шаклидаги металл қувур парчасини ўткинчиларга йўналтирган. Бир ҳолатда уни одамлардан бирининг кўксига тираган.
911 хизматига кўчада бир эркак юриб, тўппончага ўхшаган буюм билан одамларга ҳужум қилаётгани ҳақида хабарлар келиб тушган.
Полиция ходимлари эркакни топгач, унинг қўлидаги қувурни ҳақиқатан ҳам тўппонча деб ўйлаб, уни ўққа тутди. Эркак қувурни икки қўли билан тутиб, худди отишга тайёргарлик кўраётгандек ҳолатда турган.
Тўртта офицер унга жами ўнта ўқ узган. Эркак отиб ташланганидан кейингина унинг қўлидаги нарса қувур бўлаги эканлиги маълум бўлган.
Изоҳ (0)