АҚШ президенти Дональд Трамп ўз маъмуриятига Хитойдан келтириладиган маҳсулотларга божларни 100 миллиард долларгача оширишни ўрганиб чиқишни топширди, деб ёзади «Корреспондент.net».
«Хитойнинг адолатсиз реакцияси фонида мен АҚШ савдо ваколатхонасига 100 миллиард доллар миқдорида қўшимча божлар киритиш масаласини кўриб чиқишни ва улар амал қиладиган товарларни аниқлаштиришни топширдим», — деди Трамп.
Шу тариқа, Оқ уй 25 фоизли ставка бўйича бож солинадиган Хитой импорти ҳажмини икки карра оширмоқчи.
Нашр эслатишича, аввалроқ АҚШ қўшимча божлар киритилиши мумкин бўлган 1,3 мингта Хитой товарлари рўйхатини эълон қилган эди. Хитой АҚШнинг якуний қарорини кутмасдан, 2 апрелдан Америка экспортининг бир қатор маҳсулотларига жами қиймати 3 миллиард долларлик божларни киритди ва Жаҳон савдо ташкилотига Вашингтоннинг ҳаракатлари устидан шикоят қилди.
Изоҳ (0)