Сеул шаҳрининг марказий суди Жанубий Кореянинг собиқ президенти Пак Кин Хени 24 йиллик қамоқ жазосига ҳукм қилди. Аёл ўтган йилнинг баҳорида коррупцияда айбланиб қўлга олинган эди, деб ёзади Sputnik Ўзбекистон.
Суд мажлиси Жанубий Кореянинг энг йирик телеканаллари орқали жонли тарзда олиб борилмоқда.
Пак Кин Хе ўтган йилнинг март ойида қўлга олинган. Унга 18 та банд бўйича айбловлар қўйилган, хусусан коррупция, пора олиш, мансабни суиистеъмол қилиш, шунингдек, давлатга доир маълумотларни ошкор қилиш шулар жумласидандир.
Жанубий Корея прокуратураси собиқ президентга 30 йиллик қамоқ жазоси берилиши ҳамда у 118,5 миллиард корея вони (95 миллион доллар) жарима тўлашини талаб қилган.
Изоҳ (0)