2 апрель куни Ўзбекистон миллий телерадиокомпаниясида «Хабар» Агентлиги» АЖ бошқаруви раиси Алмагул Ахметжанова, «Хабар» телеканали директори Ерлан Игисинов ва Kazakh TV телеканали директори Сандугаш Раимжановадан иборат Қозоғистон Республикаси делегацияси билан учрашув бўлиб ўтди. Бу ҳақда ЎзМТРК раиси Алишер Хўжаев Facebook’даги саҳифасида хабар берди.
Суҳбат асносида меҳмонлар МТРК, шунингдек унинг тизимига кирувчи етакчи телерадиоканаллар ва корхоналар фаолияти билан танишди. Учрашувда икки томонлама ҳамкорликнинг бугунги ҳолати ва истиқболлари муҳокама этилди. Томонлар ўзаро алоқаларни сифат жиҳатидан янги босқичга кўтариш учун кенг имкониятлар мавжуд эканини қайд этди.
Музокара якуни бўйича МТРК билан «Хабар» Агентлиги» АЖ ўртасида ахборот соҳасидаги ҳамкорликка оид Меморандум имзоланди. Бу шубҳасиз 2018 йилда Қозоғистонда Ўзбекистон йилини ўтказиш борасидаги тадбирлар доирасидаги муҳим қадамлардан бири бўлди, дейилади хабарда.
Изоҳ (0)