Бир муддат аввал (февраль ойида) баъзи вилоятларда Ўзбекистон Президентининг ташрифи арафасида «бир кунлик иссиқхоналар» қурилгани, Давлат раҳбарининг вилоятга ташрифи якунига етгач, қўл учида қурилган иссиқхоналар ўз ҳолига ташлаб қўйилгани ҳақида видеохабарлар пайдо бўлган эди. 2 апрель куни Facebook’даги саҳифаси орқали жонли эфирга чиққан Президент матбуот котиби Комил Алламжонов ушбу хабарларга муносабат билдирди.
Мавзуга доир: Президент маҳаллийлаштиришдаги кўзбўямачилик ҳақида гапирган эди. У — иссиқхоналар, томлар, болалар майдончаларида ҳам бор
Яқинда интернетда йўл бўйида қурилган иссиқхоналар ҳақида материал чиқди. Менинг шахсий фикримча, бу кўпроқ бўрттирилган бир материал. Нимага? Президентимиз борган ҳар бир объект, биз кўрган иссиқхоналар — бу ҳақиқатда ишлаётган иссиқхоналар. Уни бир кунда ёки биргина ташриф учун бирданига барпо этиш мумкин эмаслигини ҳаммамиз яхши биламиз.Менинг тушунишим бўйича, бу материалларда Президентимиз юрган йўллар ёқасида қурилган иссиқхоналар назарда тутилган. Агар бу иссиқхоналар Президентимиз кетганларидан кейин йўқ бўлиб қолган бўлса, бузиб ташланган бўлса ёки уларнинг вақтинчалик эканини исботловчи бирор бир далил бўлса, фуқароларимиздан жуда ҳам илтимос қилиб қолардик.
Бу нотўғри, бундай бўлиши керак эмас. Ушбу иссиқхоналар ҳозирда йўқ бўлса, тегишли мутасадди раҳбарларга нисбатан чора кўрилади. Лекин Президентимиз ташрифлари чоғида ушбу иссиқхона қурилган бўлса, демак, озгина кутиш керак — бирор экинлар экилган бўлса, тез кунларда улар кўкариб, пайдо бўлиб, маҳсулотлар униб чиқиши мумкин.
Комил Алламжонов, Ўзбекистон Президенти матбуот котиби
Изоҳ (0)