Сурхондарё вилоятидаги Angor Golden Fruits агрофирмасида кўчат экиш мавсумида кўчат ўғрилари қўлга тушди. Бу ҳақда ЎзА хабар бермоқда.
Фирманинг Ангор туманидаги Каттақум маҳалласи ҳудудида жойлашган боғдорчилик даласига экилган ўрик, олхўри, бодом дарахти кўчатлари раҳбарлар назарида камайиб кетаётгандек бўлиб туюлади. Қоровулдан сўраб-суриштирса у пинагини ҳам бузмай, эгнини қисиб, раҳбарлар кўзига тик қараб тураверади.
Шундан сўнг санаб кўришса, 10 кун деганда даладан 23 миллион сўмлик 930 дона кўчат ўмариб кетилгани маълум бўлди.
Кўчат ўғрисини топиш илинжида ички ишлар идорасига мурожаат этган агрофирма мутасаддилари беихтиёр ёқа ушлаб қолди. Чунки, ўғриликни фирманинг дала қоровули Эгрибой Қобилов (исм-шарифлар ўзгартирилган) ва муқаддам фирибгарлик жинояти учун судланган фермер Шолли Жўллиев содир этгани аниқланиб, ашёвий далил олинди.
Яхши ният билан экилган кўчатларни ўмарган ҳамтовоқларга нисбатан Жиноят кодексининг тегишли моддаси билан жиноий иш қўзғатилди.
Изоҳ (0)