Бош прокуратура ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаменти бошлиғи А.Мавлонов раҳбарлигидаги делегация Бишкекда бўлди. Бу ҳақда Бош прокуратура матбуот хизмати маълум қилди.
Ташриф давомида делегация аъзолари Қирғизистон Иқтисодий жиноятларга қарши курашиш давлат хизматининг (молиявий полиция) иқтисодий соҳада давлат манфаатларини таъминлаш, тадбиркорларнинг ҳуқуқларини ҳимоя қилиш, коррупцияга қарши курашиш ва бошқа устувор йўналишлардаги фаолияти билан танишди.
Ўз навбатида, қирғиз томони Ўзбекистонда суд-ҳуқуқ соҳасида амалга оширилаётган ислоҳотлар ҳамда Бош прокуратура ҳузуридаги департамент фаолияти билан батафсил таништирилди.
Томонлар идоралараро ҳамкорлик тўғрисидаги келишувни амалга ошириш бўйича фикр алмашди. Хусусан, фаолиятнинг аниқ йўналишлари бўйича ҳамкорликдаги тадбирларни ташкил этиш, мавзуга доир тадқиқотлар ўтказиш ҳамда ўзаро манфаатли бошқа масалалар муҳокама қилинди.
Изоҳ (0)