Қўшиқчи Принс қонида 67,8 мкг/л миқдоридаги фентанил концентрациясидан вафот этган. Бунда фентанилнинг ўлимга олиб келувчи дозаси 58 мкг/л.ни ташкил этади. Бу ҳақда суд-тиббий экспертларининг токсикологияга оид ҳисоботига таяниб, Sky News хабар бермоқда, деб ёзади DailyAfisha.
Ҳисоботда, шунингдек, Принснинг жигарида 450 мкг/л фентанил бўлганлиги кўрсатилди. Бу дори воситасини дозадан ортиқ қабул қилишнинг ўртача даражасидан 6,5 марта ортиқдир.
Принс 2016 йилнинг 21 апрелида вафот этди. У Пейсли-Паркдаги ҳовлисидан ўлик ҳолда топилган. Қўшиқчининг 1984 йилда чиққан Purple Rain альбоми унга дунё бўйича машҳурлик келтирган.