Ўзбекистонлик ёш актёр, қўшиқчи ва собиқ фельдшер Олег Терновой Россиянинг «ТНТ» телеканалидаги «Песни» («Қўшиқлар») шоусида кейинги босқичга ўтди, деб ёзади News Mail.Ru.
Олегнинг ўзи айтишича, у ҳозирда Санъат ва маданият институтининг сўнгги босқичида ўқийди, параллель тарзда Ўзбекистондаги рус академик драма театрида бир нечта ролларни ўйнайди. Бунгача у «тез ёрдам»да оддий фельдшер бўлиб ишлаган.
Олег биринчи босқичда Hype қўшиғини ижро этди. Ҳакамларнинг учаласи ҳам — Максим Фадеев, Тимати ва Гарик Мартиросян Олегнинг кейинги босқичга ўтишига рози бўлди.
Қаттиқ саралашдан кейин 20 нафар иштирокчи реалити шоуда қатнашади. Унда томошабинларнинг энг кўп овозларини тўплаган иштирокчи 5 миллион рублни қўлга киритади. Шоу продюсерлари Максим Фадеев ва Тимати ўзларига маъқул тушган қўшиқчилар билан шартнома тузади.
Изоҳ (0)