«Лукойл» катта вице-президенти Азат Шамсуаров 22 март куни компаниянинг 28,37 минг акциясини ўз рафиқаси Гулнара Шамсуаровага совға қилиш битимига имзо чекди, деб хабар берди «РБК».
27 март санасига кўра, Москва биржаларидаги котировкаларига бўйича ушбу акциялар пакети 110,06 миллион рубль (2 миллион доллар атрофида)ни ташкил этади. Шамсуаровнинг «Лукойл»даги улуши 0,0098 фоиздан 0,0065 фоизга қадар камайди.
Россия қонунчилигига кўра, кўчмас мулк ва акцияларнинг эр-хотин ўртасида совға қилиниши солиққа тортилмайди.
2018 йилнинг январида «Лукойл» президенти Вагит Алекперов компания йил охирига қадар 100 миллионга яқин ғазна акцияларини (10 фоиздан ортиқ) сўндириши мумкинлигини, яна 40 миллион акциялари (5 фоизга яқин) бошқарув мотивацияси учун сақлаб қўйилишини маълум қилганди. Шу билан бирга беш йил давомида нефть компанияси ўз акцияларини сотиб олишга 2—3 миллиард доллар йўналтиради.
«Лукойл» компанияси акцияларида Алекперов (24,8 фоиз), Леонид Федун (9,8 фоиз), «ИФД Капиталь» тузилмаси (8 фоизга яқин) ва Lukoil Investments Cyprus шўъба корхонаси (16 фоиздан ортиқ) эгалик қилади.
Изоҳ (0)