Россиянинг Кемерово шаҳридаги «Зимняя вишня» савдо марказида ёш фотосуратчи Евгений ўз реквизитида бўлган газниқобдан фойдаланиб, 30 га яқин болани қутқарган, деб ёзади «KP.ru».
Евгенийнинг сўзларига кўра, унинг фирмаси кинозалларга жуда яқин бўлган майдончада болалар байрамини ўтказаётган эди. Ёнғин бошланганида, фотосуратчи уни биринчилардан бўлиб пайқаб қолган.
Ҳайратланарли тасодиф билан унинг ижодий реквизитидан газниқоб чиқиб қолган. Йигит уни кийиб, тутун ичига кирган. У болалар тадбирларини ўтказиш бўйича яхшигина тажрибага эга бўлгани сабабли, болаларни тезлик билан тўплаб, ёнаётган залдан олиб чиқиб кетган, кейин эса қутқарув чиқиш эшикларидан ташқарига чиқарган.
Айни пайтда Евгений бошқа залларда болалар катталарсиз қамалиб қолганини билмаган.
Кемероводаги савдо марказда ёнғин 25 март куни бошланганди. Расмий маълумотларга кўра, 64 киши, шу жумладан 41 нафар бола ҳалок бўлди, 69 киши жабрланди.
Изоҳ (0)