Хитой Халқ Республикаси ҳукумати 27 март, сешанба куни Оқ уйни КХДР етакчиси Ким Чен Иннинг Пекинга ташрифи ҳақида хабардор қилган, шу жумладан, ХХР раиси Си Цзиньпиндан АҚШ президенти Дональд Трампга шахсий мактуб етказилган. Бу ҳақда журналистларга Оқ уй матбуот котиби Сара Сандерс маълум қилди, деб ёзади «ТАСС».
«Хитой ҳукумати сешанба куни Оқ уй билан боғланиб, бизни Ким Чен Иннинг Пекинга ташрифи ҳақида хабардор қилди. Брифинг чоғида, шунингдек, раис Си Цзиньпиндан президент Трампга шахсий хабар етказилди, хабар унга қайта йўналтирилди», — деди у.
Сандерс АҚШ ўз иттифоқдошлари — Жанубий Корея ва Япония билан яқин алоқада бўлиб қолаётганини таъкидлади. «Биз воқеаларнинг бундай ривожига бизнинг максимал босим ўтказиш кампаниямиз Шимолий Корея билан музокаралар учун зарур муҳитни яратаётганининг навбатдаги исботи сифатида қарамоқдамиз», — деди Оқ уй матбуот котиби.
Изоҳ (0)