Наманган вилояти Поп туманидаги маҳаллаларда ва оилаларда ижтимоий-маънавий муҳитни ўрганиш ҳамда аниқланган муаммоларни бартараф этишга кўмаклашиш бўйича ташкил этилган Республика ишчи гуруҳи фаолияти доирасида фуқаролик ишлари бўйича Чуст туманлараро суди томонидан «Чинор» маҳалла фуқаролар йиғинида сайёр ҳуқуқий тарғибот тадбири ўтказилди.
ЎзАнинг хабар беришича, фуқаролик ишлари бўйича Чуст туманлараро суди судьяси Иқбол Кўчкинова оилавий ажримларни юзага келтирувчи омиллар фақатгина эр-хотин ўртасидаги тушунмовчилик эмас, балки қайнона-келин муносабатларига ҳам бориб тақалаётганини таъкидлаб ўтган.
Судьянинг сўзларига кўра, «ёшларимизда мажбуриятни ҳис қилмаслик, оилавий муносабатларга совуққонлик билан қараш, қизларнинг эрта никоҳга узатилиши, яширин шаърий никоҳларга йўл қўйилаётгани, тўй-ҳашамларни дабдабали ва серхарж тарзда ўтказилаётгани, қимматбаҳо сарпо-суруққа ружу қўйиш, телефон орқали мулоқот маданиятининг етишмаслиги, ижтимоий тармоқларга муккасидан кетиш ва виртуал хиёнатларга йўл қўйилаётгани каби ҳолатлар» ажримларнинг асосий сабабларидир.
Изоҳ (0)