BBC News телеканали мухбирлари 27 мартдан 6 апрелгача Қорақалпоғистонда ижодий сафарда бўлиши кутилмоқда. Бу ҳақда, Қорақалпоғистон ахборот агентлигига асосланиб, ЎзА хабар берди.
Хабар беришларича, Орол денгизи қирғоғида ўрмонзорларнинг қайта тикланиши бўйича кўрсатув тайёрлаш телеканал ижодкорларининг асосий объекти ҳисобланади.
10 кунлик сафар давомида BBC News телеканали ходимлари глобал муаммолардан бири саналган об-ҳаво ҳароратининг кескин кўтарилиши ва жаҳонда юз бераётган бошқа экологик муаммоларни акс эттирувчи «Taking the Temperature» кўрсатуви учун махсус репортаж тайёрлайди.
Изоҳ (0)