«Ўзтўқимачиликсаноат» уюшмасида Мисрнинг Shamsy Group компанияси билан тўқимачилик ва тикувчилик-трикотаж соҳасида ҳамкорлик, шунингдек, инвестициялар жалб этиш масалалари муҳокама қилинди. Бу ҳақда уюшманинг Facebook’даги саҳифасида маълум қилинди.
Shamsy Group раҳбари Я.Шамсий бошчилигидаги делегация Ўзбекистонда тўқимачилик корхоналари учун яратилган шароит ва имтиёзлар билан танишди. Компаниянинг Яқин Шарқда оммалашган Dailydress ва Premoda брендлари остида тайёр кийимларни биргаликда ишлаб чиқаришни таклиф этди.
Уюшма раҳбарияти қўшма лойиҳалар учун тадбирлар режасини тайёрлаш, шунингдек, Мисрнинг йирик компанияларини тўқимачилик соҳасидаги инвестициявий лойиҳаларга жалб этишни таклиф қилди.
Изоҳ (0)