Хоразм вилояти Урганч шаҳрида яшовчи фуқаро Қодир Жабборовга (исм-фамилияси ўзгартирилган) нисбатан жиноят иши қўзғатилди, деб хабар беради ЎзА.
У 2017 йил июль ойида таниши С.Отабойнинг ишончига кириб, 7 тонна гуручнинг ҳар бир килограммини 3 минг сўмдан, жами 21 миллион сўмга сотиб олишга келишади. Пулини бир ой ичида беришга ваъда бериб, маҳсулотни олиб кетади. Бироқ келишилган муддат ўтгандан кейин ҳам ҳар хил баҳоналар қилиб қарзини тўлаш вақтини чўзаверади. Фирибгарга чув тушиб, алданиб қолганлигини билган С.Отабой ички ишлар органларига мурожаат қилди.
«Ўзганинг ишончини суиистеъмол қилиб, мол-мулкини қўлга киритган ушбу шахснинг кирдикорлари ички ишлар ходимлари томонидан олиб борилган суриштирув ишлари натижасида фош этилди ва унга нисбатан жиноят иши қўзғатилди», — дейилади хабарда.
Изоҳ (0)