Ўтган ҳафта республика йўлларида 133 йўл-транспорт ҳодисаси содир этилган. Уларда 125 фуқаро турли даражадаги тан жароҳати олган. Бу ҳақда ЎзА хабар бермоқда.
Ҳафта давомида йўл-патруль хизмати инспекторлари томонидан 90 минг 353 қоидабузарлик аниқланган. Жумладан, 1 минг 823 нафар ҳайдовчи транспорт воситасини маст ҳолда бошқарган, 14 минг 190 ҳолатда белгиланган тезлик талаблари бузилган, 1 минг 227 нафар ҳайдовчи эса светофор ва чорраҳалардан ўтиш қоидасига амал қилмаган.
Шунингдек, транспорт воситасининг ойналарини меъёридан ортиқча қорайтирган 222, ҳаракат вақтида телефондан фойдаланган 773, хавфсизлик камарини тақмасдан ҳаракатланган 17 минг 358, одам ташиш қоидасига амал қилмаган 13 минг 582 ҳайдовчи тўхтатилиб, уларга нисбатан маъмурий баённомалар расмийлаштирилган.
Изоҳ (0)