Россиянинг Москва вилояти Истра шаҳар округи Курсаково қишлоғида 19 ёшли йигит бир аёлни дайди итлар тўдасидан ҳимоя қиламан деб ҳалок бўлди, дея хабар бермоқда «MK.ru».
11 март, якшанбага ўтар кечаси дугонасиникидан уйига қайтаётган аёлга дайди итлар галаси ташланган. Шу пайтда Олег исмли йигитча таёқ билан пайдо бўлиб, уларни аёлдан ажратиб олишга уринган. Олегнинг қўшнилари ёрдамга етиб келгунича, итлар уни ғажиб ўлдиришга улгурган. Қўшнилар — беш эркаккина итлар тўдасини қувиб юборишга муваффақ бўлган.
Жабрланган аёл касалхонага етказилган ва операция қилинган, айни пайтда унинг аҳволи оғир деб баҳоланмоқда.
Дайди итлар махсус ташкилот томонидан тутиб олинган.
Қайд этилишича, марҳумнинг оиласи Россияга тўрт йил аввал кўчиб келган, бунгача улар Ўзбекистонда яшаган.
Изоҳ (0)