Эронда қулаган Туркия хусусий самолёти бортида таниқли турк тадбиркори Ҳусайн Башараннинг қизи ва 7 нафар дугонаси бўлган. Бу ҳақда «РИА Новости» хабар бермоқда.
28 ёшли Мина Башаран Бирлашган Араб амирликларидан 28 мартга мўлжалланган тўйи арафасида дугоналари даврасида ўтказилган базмдан қайтаётганди.
Тадбиркорнинг қизи 2013 йилдан бери холдинг директорлар кенгаши таркибига киргани ва уни Basharan Holding’да отасининг ўрнини эгаллашга тайёрлаб келингани билдирилмоқда.
Холдингга қарашли ва Шаржадан Истанбулга йўл олган хусусий самолёт 11 март, якшанба куни Тошкент вақти билан соат 20:20 да радарлардан ғойиб бўлди.
Унинг бортида 11 киши, жумладан, 3 нафар экипаж аъзоси бўлган. Bombardier Challenger 600 Эроннинг Шаҳри Корд шаҳри яқинидаги тоғли ҳудудда қулади ва ёниб кетди.
Изоҳ (0)