Россия ҳаво-космик кучлари «Кинжал» комплексига мансуб гипертовушли ракетани учирди (видео)

Россия ҳаво-космик кучларининг МиГ-31 қирувчи самолёти «Кинжал» комплексига мансуб гипертовушли аэробаллистик ракета машқ-жанговор учиришини амалга оширди. Бу ҳақда мамлакат мудофаа вазирлиги маълум қилди, дея хабар беради «ТАСС».

МиГ-31 Жанубий ҳарбий округ ҳудудидаги аэродромдан парвоз қилди. Гипертовушли ракета полигондаги белгиланган нишонга бориб тегди.

Вазирликка кўра, таркибига МиГ-31 қирувчи самолёти ва янги гипертовушли ракета кирувчи «Кинжал» авиакомплекси экипажлари 2018 йил бошидан бери 250 маротаба парвозни амалга оширди. Комплекс қуруқлик ва денгиздаги нишонларни йўқ қилишга мўлжалланган.

Унинг гипертовушли ракетаси душман ҳаво ҳужумига қарши мудофаа ҳудудига кирмасдан 2 минг километрдан ортиқ масофадаги маррага зарба беришга қодир.

https://youtu.be/uqfIZxu2urM