Пекинда бўлиб ўтаётган Умумхитой халқ вакиллари йиғини сессиясида депутатлар мамлакат конституциясига тузатишларни қабул қилди. Бу ҳақда «Ведомости» хабар бермоқда.
Бошқа ўзгаришлар қаторида конституциядан мамлакат раҳбари ўз лавозимини фақат икки беш йиллик муддат эгаллаши мумкинлиги ҳақидаги тартиб олиб ташланди. Хитой Коммунистлар партияси марказий қўмитаси ташаббусини 2958 депутат қўллаб-қувватлади. Икки киши қарши чиқди, уч киши бетараф қолди.
Сессия матбуот котиби Чжан Есуйга кўра, мамлакат етакчиси ҳокимиятда бўлиши муддатига чекловнинг олиб ташланиши конституцияни Хитой Коммунистлар партияси низомига мувофиқ келтиради. Мазкур низомда марказий қўмита бош котиби лавозимида бўлиш муддатига ҳеч қандай чеклов йўқ.
Маълумот учун, конституция киритилаётган тузатишлар Хитойнинг амалдаги раиси Си Цзиньпинга 2023 йили учинчи 5 йиллик муддатга сайланиш имкониятини беради.
Изоҳ (0)