АҚШ президенти Дональд Трамп Питтсбургда тарафдорлари олдидаги чиқишида 2020 йилги президентлик компанияси шиори қандай бўлишини маълум қилди. Бу ҳақда «ТАСС» хабар бермоқда.
«Атиги икки йилдан сўнг навбатдаги пойга бошланади ва унга ‘Американинг буюклигини сақлаб қоламиз!’ деган янги шиор танлаймиз. Айнан ундов белгиси билан. Бироқ бу кун тартибимизни қўллаб-қувватлайдиган кишиларни Конгрессга сайлаган тақдиримиздагина амалга ошиши мумкин», — деди Трамп.
Маълумот учун, ўзини Қўшма Штатларга аввалги нуфузини қайтариб берди деб ҳисоблаётган Трамп 2016 йилги президентлик компаниясини «Американи яна буюк давлатга айлантирамиз» шиори билан бошлаганди.
Изоҳ (0)