Калифорниядаги фахрийлар уйида гаровга олинган 3 киши ҳалок бўлди. Бу ҳақда «РБК» хабар бермоқда.
Уларни гаровга олган шахс ҳам ўлик ҳолда топилди. Ҳуқуқ-тартибот идоралари ходимларига кўра, ҳалок бўлганларнинг барчаси аёллар бўлиб, улар ушбу муассасада хизмат қилган.
Зирҳли нимча кийган ва қуролланган эркак Йонтвил шаҳридаги фахрийлар уйига 10 март куни бостириб кирди. Бу ерда мингга яқин киши истиқомат қилади ва у АҚШдаги энг йирик шундай муассасалардан бири ҳисобланади.
Napa Valley Register нашрига кўра, ҳужум уюштирган эркак 36 ёшда бўлиб, у руҳий жароҳатлари сабабли шу ерда бир муддат даволанган. Жиноятчи ҳодиса жойига келган полициячиларга ҳам ўқ узгани билдирилмоқда, бироқ жабрланганлар ҳақида хабар берилмади.
Изоҳ (0)