Россия президенти Владимир Путин ўзининг киберхавфсизлик бўйича махсус вакили Андрей Круцкихнинг сўзларига ойдинлик киритишини сўраган NBC журналистига ушбу масала бўйича маъмурият маслаҳатчисига тўғридан-тўғри мурожаат қилишни маслаҳат берди, деб хабар беради «MK.ru».
Путин ўз маъмуриятида икки минг киши ишлашини таъкидлаб, «Наҳотки, сиз уларнинг барчаси менинг назоратимда деб ўйлайсизми?» дея жавоб берган.
Круцких 2016 йилда «Россия ахборот кенглигида америкаликлар билан тенг ҳуқуқда сўзлаша олишига» ваъда берган эди. Энди эса Путин NBC каналига берган интервьюсида ўз маъмурияти вакили ўшанда нимани назарда тутганини билмаслигини маълум қилди.
Путин ўз навбатида матбуот котиби Дмитрий Песковнинг айрим сўзларидан ҳайратланишини маълум қилди.
«Баъзан телевизор кўриб ўтириб, у нима ҳақда гапиряпти, буни унга ким айтди, деб ўйлаб қоламан», — дейди Путин.
Изоҳ (0)