Ливия ҳарбий денгиз кучлари Ўртаер денгизининг мамлакатга яқин соҳилларида 335 нафар ноқонуний муҳожирни қутқарди, деб хабар беради «РИА Новости».
«Ноқонуний муҳожирлар Миср, Марокаш, Жазоир каби турли араб мамлакатлари фуқаролари эканлиги аниқланди», — дейилади хабарда.
Соҳил патруль хизмати 10 март куни учта қутқарув операциясини амалга оширган. Улардан энг сўнггисида 98 киши қутқарилган бўлиб, улар орасида Африка мамлакатларидан саккиз нафар аёл ҳам бор.
Хабарда қайд этилишича, муҳожирларга тиббий ёрдам кўрсатилганидан сўнг улар Триполи шаҳридаги ноқонуний миграция билан курашиш бўйича департаментга жўнатилган.
Изоҳ (0)