Ҳиндистон Олий судининг қарорига кўра, бундан буён касал кишилар пассив эвтаназия ҳуқуқига, яъни кома ҳолатида ҳаётни таъминловчи воситаларни узишга розилик бериш ҳуқуқига эга. Бу ҳақда «РИА Новости» хабар берди.
Суднинг қарорида айтилишича, одам унда бирор бир тиббий муолажа ўтказилмаслиги ва ҳаётни таъминловчи тизим ёрдамида ҳаёти сақлаб турилмаслигига қарор қилиш ҳуқуқига эга.
Хабарга кўра, пассив эвтаназия бемор томонидан бу амалиётни қўллаш ҳақида аввалроқ васиятнома қолдирилган тақдирда қўлланилади. Мазкур васиятномада бемор жиддий касаллик ёки бахтсиз ҳодиса оқибатида кома ҳолатига тушиб қоладиган бўлса, ҳаётни таъминловчи воситаларни ўчиришга розилиги ёки норозилигини билдиради.
Бундан ташқари, Олий суд даволаб бўлмайдиган касалга чалинган беморнинг қариндошлари ёки дўстлари судга беморни эвтаназия қилиш бўйича мурожаат қилиши мумкинлиги ҳақида қарор қилди. Бундай ҳолатда тиббий кенгаш тузилади ва бу кенгаш беморга эвтаназия керак ёки йўқлиги ҳақида қарор қилади.
Изоҳ (0)