Қирғизистонда автомобиль жарликка қулаши оқибатида 18 ёшли ўзбекистонлик ҳалок бўлди.
Фарғона вилояти ЙҲХБ матбуот хизматининг маълум қилишича, 21 июль куни Сўх туманида яшовчи вояга етмаган, 2007 йилда туғилган С.С. Nexia-3 автомашинасини Сўх—Риштон автомобиль йўлининг Қирғизистон Республикаси Боткен вилояти Бужай айили ҳудудида ҳайдаб кетаётиб рул бошқарувини йўқотиши натижасида жарликка ағдарилиб кетган.
ЙТҲ оқибатда ҳайдовчи С.С. тан жароҳати олиб, ҳодиса жойида вафот этган.
Мазкур ҳолат юзасидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одам ўлимига сабаб бўлиши) билан жиноят иши қўзғатилган.
“Ҳурматли фуқаролар, вояга етмаган ва тажрибасиз фарзандларингизга автомобиль калитини ишониб топширманг”, дея огоҳликка чақирди Фарғона вилояти ЙҲХБ матбуот хизмати.
10 июнь куни Бухорода 17 ёшли бола бошқарувидаги Lacetti юк машинаси билан тўқнашганди. Оқибатда ўзи ва 10—11-синф ўқувчилари бўлган ўртоқлари турли даражадаги оғир тан жароҳатлари олиб, касалхонага ётқизилганди.
Изоҳ (0)