Хитой расмийлари мамлакатнинг кўплаб шаҳарларида захира етарлича бўлмагани сабабли газ импортини кўпайтиришни режалаштирмоқда. Бу ҳақда Хитой тараққиёт ва ислоҳотлар давлат қўмитаси раҳбари Хе Лифень маълум қилди, дея хабар беради «Podrobno.uz».
«Газ етказиб беришни бу хом ашёни ишлаб чиқарадиган қўшни давлатлар ҳисобига кўпайтириш ниятидамиз. Гап Россия, Марказий Осиё ва Осиё-Тинч океани минтақаси давлатлари ҳақида кетмоқда. Газ захиралари билан таъминланиш бизнинг энг заиф бўғинимиз ҳисобланади», — деди Хе Лифень.
Мансабдорга кўра, 2017 йилда Хитой аҳолисига 237 миллиард куб метр газ етказиб берилди. Бу бир йил аввалгига нисбатан 14 фоизга кўп.
Изоҳ (0)