Польшанинг Свинойсце (Świnoujśsie) шаҳри яқинида, Болтиқ денгизи соҳилида янги нефть ва табиий газ кони топилди. Бу ҳақда Канаданинг Central Euroпеан Petroleum (CEP) компанияси хабар берди.
Янги кон Wоlin East 1 номли қудуқда аниқланган бўлиб, унинг чуқурлиги 2 минг метрдан ортиқ. Дастлабки ҳисоб-китобларга кўра, бу кон 22 миллион тонна нефть ва 5 миллиард куб метр газ захирасига эга. Участкадаги умумий захиралар қарийб 33 миллиард тонна нефть ва 27 миллиард куб метр газни ташкил этади. Бу мамлакатдаги энг йирик углеводород кони, шунингдек, Европанинг сўнгги 10 йилдаги энг йирик нефть кони ҳисобланади.
Бу Central European Petroleum учун ҳам, Польша энергетика сектори учун ҳам тарихий лаҳза, дейди CEP бош директори Ролф Скар.
Коннинг ишга туширилиши энергетик хавфсизликни мустаҳкамлашига ва углеводород импортига бўлган қарамликдан халос этишга ишонч билдирилмоқда. Польшанинг 2023 йилда мавжуд нефть захиралари 20,2 миллион тонна деб баҳоланган эди. “Wоlin East” кони эса ушбу кўрсаткични икки баравардан кўпроққа оширади ва Польшани ички нефть таъминоти борасида мустаҳкамроқ позицияга олиб чиқади.
Маълумот ўрнида, 2020 йилда, Польшанинг Любуш воеводалигида мис ва кумуш конлари ҳам топилган эди. Бу кашфиёт Канаданинг Copper Copper Corp компанияси томонидан амалга оширилган бўлиб, қазилма бойликларнинг умумий қиймати 60 миллиард АҚШ долларга баҳоланган.
Central European Petroleum Ltd. — бу Канадада рўйхатдан ўтган, лекин норвегиялик инвесторлар назорати остидаги компания бўлиб, дастлаб Европа Иттифоқи, хусусан, Германияда углеводородларни қидириш мақсадида ташкил этилган.
Изоҳ (0)