Ҳукумат тарафдорларининг ҳарбийлашган кўнгиллилар отряди —«ал-Хашд аш-Шаъбий» жангчилари Ироқ шимолидаги Киркук вилоятида ИШИДнинг 22 нафар дала қўмондонини йўқ қилди. Бу ҳақда отряднинг расмий вакили Али ал-Ҳусайний маълум қилди, деб хабар беради «ТАСС».
«Бўлинмаларимиз Киркук жануби-ғарбидаги ар-Риёд ва аз-Заб туманларида кенг кўламли операция ўтказди. Унинг давомида ИШИДнинг 22 нафар етакчиси, шунингдек, ўнлаб жангари, жумладан, худкуш ўлдирилди. Ҳудудни тозалаш ишлари давом этмоқда», — деди расмий вакил.
Маълумот учун, нефтга бой Киркук вилояти ўтган ой давомида бир неча бор ИШИД ва «ал-Хашд аш-Шаъбий» ўртасида тўқнашувлар майдонига айланганди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)