Жигарни асрашга ёрдам берувчи 7 та осон тайёрланадиган ичимлик

Жигар соғлиғига зарар етказиши мумкин бўлган ичимликлар рўйхати кўп: биринчи навбатда алкоголь, ундан кейин газли ичимликлар, қоғоз пакетда сотиладиган мева шарбатлари ва сунъий таъм берувчилар қўшилган ичимликлар туради. Аммо шундай фойдали ичимликлар борки, улар нафақат мазали, балки жигар учун ҳимоя ҳамдир.

1. Чиа уруғи солинган сув

Чиа уруғи солинган сув сўнгги вақтларда оммалашган ичимликлардан бири. Шифокорлар фикрича, бу бежиз эмас, чунки чиа таркибида магний ва ўсимлик толалари кўп бўлиб, улар жигар фаолияти учун фойдалидир.

Тайёрлаш учун чорак стакан чиа уруғини бир стакан сувга солиб, 10-15 дақиқага қолдиринг. Истасангиз, бодринг ва лимон қўшиб, коктейл тайёрлашингиз мумкин. Бундай ичимлик организмни C витамини билан таъминлайди.

2. Резаворлар ва қатиқдан смузи

Диетологларнинг айтишича, қатиқ ичак фаолиятини яхшилайдиган фойдали бактериялар билан бой. Ичак соғлом бўлса, жигар ҳам соғлом бўлади. Смузига резавор мевалар қўшсангиз, у антиоксидантларга бой бўлади, бу эса жигар ҳужайраларини зарарланишдан ҳимоя қилади.

3. Анор ва занжабилли шарбат

Кўп ҳолларда дўконда сотиладиган тайёр шарбатлар фойдадан кўра зарарли бўлади. Аммо анор бундан истисно: унда фруктоза миқдори кам бўлиб, жигарни зарарловчи ёғлар билан курашишга ёрдам берувчи моддаларга эга.

Шарбатга озроқ занжабил қўшсангиз, у организмдаги яллиғланишларни камайтиришга ёрдам беради.

4. Какао қўшилган қаҳва

Тадқиқотлар шуни кўрсатадики, қаҳва жигарни ҳимоя қилади ва оғир касалликларнинг олдини олади. Какао қўшилган қаҳва эса қон айланишини яхшилайди ва яллиғланишга қарши фойда беради.

5. Тарвуз ва занжабил шарбати

Тарвуз қон томирларни кенгайтиришга ёрдам берадиган моддаларни ўз ичига олади. Бу эса юрак ва жигар каби муҳим аъзоларга фойдали таъсир кўрсатади. Занжабил эса қўшимча фойда беради.

6. Асалли кўк чой

Кўк чой қон босимини туширади, холестеринни камайтиради, ақлий фаолиятни кучайтиради, вазнни назоратда ушлайди, суякларни мустаҳкамлайди ва жигар учун ҳам фойдали ҳисобланади.

Чойга озгина асал солинса, нафақат таъми яхшиланади, балки у табиий антиоксидантларга бой бўлади.

7. Ялпизли қора чой

Қора чой жигар фаолиятини қўллаб-қувватловчи моддаларни ўз ичига олади. Ялпиз эса организмни тинчлантиради ва зарарли холестеринни камайтиришга ёрдам беради. Бу икки маҳсулот бирга истеъмол қилинганда жигар учун айни муддао бўлади.