Норвегия парламенти раиси Улемик Томессен парламент биноси таъмирининг харажатлари сметада кўрсатилган дастлабки харажатлардан сезиларли даражада ошиб кетгани учун истеъфога кетди. Янги спикер яқин ҳафталар ичида сайланади. Бу ҳақда TJournal хабар берди.
Таъмирлаш ишлари 2014 йилда бошланган. Хабар берилишича, 2015 йилда лойиҳа қиймати 1,1 миллиард Норвегия кронасини ташкил қилган. 2018 йилда бу сумма 2,3 миллиард кронагача (тахминан 294 миллион доллар) кўтарилган.
Аудиторлар таъмирлаш вақтида харажатлар самарасиз бошқарилганини тасдиқлаган. Шунингдек, парламент таъмирлашни қурилиш бўйича давлат агентлигига топшириш ўрнига кўплаб пудратчилар ва консултантлар жалб қилинганини танқид қилган.
7 мартда парламентнинг кўпчилик партиялари Томессенга ишончсизлик билдирган, шу сабабли у истеъфога кетган. У харажатлар режалаштиришдаги хато сабабли ошиб кетганини тушунтирган. Томессен 2013 йилнинг октябрь ойида парламент раиси этиб тайинланган эди.
Изоҳ (0)