Бугун — 9 март куни МТРК раиси Алишер Ходжаев ҳамда МОҚ президенти Умид Аҳмаджонов учрашуви бўлиб ўтди. МОҚ матбуот хизматининг хабар беришича, Медимарказ биносида бўлиб ўтган суҳбатда «Спорт» телеканали директори Зоҳид Каримов ҳамда Спорт вазири Шоакрам Исроилов ҳам иштирок этган.
Бунда икки томон ўзаро алоқаларни мустаҳкамлаш масаласида фикр алмашган. Унга кўра, МТРК ижодий ва техник гуруҳи халқаро мусобақаларга МОҚ ҳисобидан бориши йўлга қўйилади. Бунда Осиё ва Олимпиада ўйинлари, жаҳон ва қитъа чемпионатлари назарда тутилган. Шунингдек, Гран при турнирларга телевидение вакилларининг аккредитациядан ўтишига ҳам МОҚ бевосита ёрдам беради.
Биз ўзаро алоқаларни кенгайтириш тарафдоримиз. Бу йилдан бошлаб футбол бўйича Ўзбекистон Суперлигасининг барча учрашувларини Sport-TV орқали жонли трансляция қилишни йўлга қўйдик. Демак, энг аввало мухлислар учун ажойиб совға ҳозирладик. Бу нафақат МТРК, балки ПФЛнинг ҳам ютуғи бўлди. Ўзаро ҳамкорлигимиз натижа бера бошлади. Ташаббусимизни қўллаб-қувватлагани учун Алишер Жўрақуловичга миннатдорчилик билдираман.МТРК раиси Алишер Ходжаев Sport-TV МОҚнинг энг яқин ҳамкори бўлади, деб ваъда берган. Эндиликда телеканал спорт трансляцияларини амалга оширишда бор имкониятини ишга солади.Умид Аҳмаджонов, МОҚ президенти
Бугунги учрашувдан жуда ҳурсанд бўлдим. Боиси ўзаро ҳал этиладиган масалалар тўпланиб қолганди.Энг аввало спорт вазиридан вилоятлардаги спорт иншоотларидан жонли эфирга чиқиш учун шароитлар яратиб беришни илтимос қилардим. Биз тўғридан-тўғри эфир тарафдоримиз. Аммо ҳамма спорт мажмуаларида ҳам бунга шароит йўқ. Айниқса, вилоятлардаги иншоотларнинг комуникациясига эътибор кучайтирилса, нур устига аъло нур бўларди. Бирида телекомуникация муаммолари бор, баъзиларининг эса ёритиш тизимида камчиликлар кўринади. Агар шу муаммоларни бартараф этишда ёрдам берсангиз, жонли эфирлар масаласи ҳал этиларди.
Алишер Ходжаев, МТРК раиси
Спорт вазири Шоакрам Исроилов бу борада иш олиб боришга ваъда берди. Кейинроқ эса учрашув иштирокчилари МТРК студияларидан бирига кирди. Sport-TV мазкур студияда янги лойиҳани йўлга қўйишни режалаштирган. Шартли номи «Спорт клуб» бўлган онлайн дастурда аҳоли дардини эшитиш, спорт федерациялари раҳбарлари билан жонли мулоқотлар қилиш ва бошқа масалалар ўрин олади.
Изоҳ (0)