АҚШнинг Монтана штатида 11 август куни иккита самолёт тўқнашганидан кейин ёниб кетди. Бу ҳақда Associated Press хабар берди.
Ҳодиса Калиспел сити аэропортининг учиш-қўниш йўлагида юз берган. Бортида учувчи ва 3 нафар йўловчиси бўлган самолёт тўхтаб турган учоққа бориб урилган. Авиатехникалар жиддий шикастланмаганига қарамай, ёнғин чиққан. Воқеа жойига етиб келган ўт ўчирувчилар алангани ўчиришга муваффақ бўлган.
Дастлабки терговга кўра, учувчи самолёт бошқарувини йўқотиши оқибатида авиаҳодиса юз берган. Икки киши енгил тан жароҳати олиб, тиббий ёрдамга мурожаат қилган.
- АҚШда охирги марта 6 август куни самолёт иштирокидаги авиаҳодиса юз берганди. Ўшанда икки винтли кичик тиббий самолёт қулаб тушгач, ёниб кетган. Оқибатда жами тўрт киши ҳалок бўлган. Самолёт Нью Мексико штатининг Албукерк шаҳридаги шифохонадан беморни олиб кетиш учун кетаётган эди.
- 7 апрель куни Японияда тиббий вертолёт денгизга қулаб тушган эди, оқибатда бир бемор ва яна икки киши ҳалок бўлган. Учувчи, механик ва ҳамширани қутқаришга муваффақ бўлинган.
- 29 июль куни эса Германияда ўқув ҳарбий вертолёти ҳалокатга учраган. Кейинчалик икки нафар Бундесвер аскари ҳалок бўлгани, уларнинг жасадлари дарёдан топилгани маълум бўлган.
Изоҳ (0)