Россия АҚШда 2016 йили бўлиб ўтган президентлик сайловларига аралашишда айбланган фуқароларини Қўшма Штатларга топширмайди. Бу ҳақда Россия президенти Владимир Путин NBC телеканалига берган интервьюсида маълум қилди дея хабар бермоқда «РИА Новости».
«Ҳеч қачон. Россия умуман фуқароларини ҳеч қаерга топширмайди. Худди АҚШ каби. Айбланганлар расмий вакиллар эмас. Улар айнан нима қилганидан мутлақ бехабарман. Америкалик ҳамкасбларимиз ОАВ билан гаплашиш ўрнига бизга тегишли материалларни жўнатса, кўриб чиқишимиз ва бу ҳақда мулоқот қилишимиз мумкин», — деди Путин.
Маълумот учун, АҚШ махсус прокурори Роберт Мюллер офиси февраль ойида мамлакатдаги президентлик сайловларига аралашувга оид айблов хулосасини эълон қилди. Унда ресторатор Евгений Пригожин бошчилигидаги 13 нафар россиялик эслатиб ўтилган.
Изоҳ (0)