Британиялик фермер янги туғилган қўзичоқни печга солиб, уни ўлимдан сақлаб қолди, деб хабар беради Metro.
Шимолий Уэльслик Уильям Жонс совуқ об-ҳаво туфайли мазкур чорани қўллашга қарор қилди.
«Ҳаво ҳарорати нол даражадан паст эди. Бироқ қўзичоқнинг онаси уни исита олмаётганди. Шунинг учун ҳам уни қутқаришнинг ягона чораси жониворни ёпинчиққа ўраб, қорнини тўйдириб, печга жойлаш эди», — дейди фермер.
Қўзичоқ эшиги очиқ ҳолда ишлаётган печда уч соат вақт ўтказди. Фермернинг ғояси иш берди: қўзичоқ исиниб олди ва онасининг ёнига қайтарилди.
Изоҳ (0)