Австралиялик сузувчи Жорж Коронс 99 ёшида сузиш бўйича жаҳон рекордини ўрнатди. Рекорд 100 ёшдан 106 ёшгача бўлган спортчилар гуруҳига тааллуқли. У 50 метр масофани 56,12 сонияда босиб ўтди. Бу ҳақда TJournal хабар берди.

Эркак 99 ёшда бўлса ҳам, мусобақа қоидаларига кўра, у иштирок этиш ҳуқуқига эга, чунки у 2018 йилнинг апрель ойида 100 ёшга тўлади. Эркакнинг бир ўзи мусобақада иштирок этди, унинг учун Квинсленд шаҳрида расмий тадбир уюштирилди.

Коронсга сакраш устунига чиқишга ёрдам берилди. Эркак 50 метрни эркин усулда сузиб ўтган. У 2014 йилда ўрнатилган аввалги рекорд — 1 дақиқа 31 сонияни янгилади.

99 ёшли эркакнинг айтишича, у ўз натижасидан ҳайратда ва сузишнинг сўнгида бор кучи билан деворга урилишга тайёр бўлган.