Киберхавфсизлик бўйича мутахассислар аниқлашича, ёвуз ниятлилар криптовалюта орттириш учун вирус билан зарарланган Word файлларидан фойдаланмоқда. Бу ҳақда VOTIRO Secured компанияси блогида айтилади.
Ҳужжатлар майнерни ўз ичига олувчи ихтисослаштирилган Java-Script-кодни киритиш орқали юз беради. Безарар бўлиб кўринувчи Word-файллар тарқатилгач, уни олганлар фирибгарлар фойдасига Monero криптовалюта орттириш тизимига уланади. Жараён Internet Explorer браузерида онлайн-видеони очган вақтда ишга тушади.
Кибержиноятчилар скриптни ўз ичига олувчи видеони доменга жойлаштириши, уни Word ҳужжатига киритиши ва файлларни юбориш учун қурбонлар рўйхатини тузиши керак, холос.
Ҳозирча ушбу схема жиноятчиларга тез бойиб кетиш имконини бермайди, чунки фойдаланувчи компьютеридаги файл ёпилганида майнинг тўхтайди.
Мутахассислар фойдаланувчиларга нотаниш электрон манзиллардан жўнатиладиган ҳужжатларга шубҳа билан қарашни маслаҳат берди.
Изоҳ (0)