WSB мусобақасининг 2-турида Cuba Domadores клубини мағлуб этиб, океан ортидаги мағлубият аламини олган Uzbek Tigers энди Colombia Heroicos боксчиларини қабул қилмоқда. Иккинчи жангдан кейин ҳисоб тенглашди.
Бокс оқшомининг илк жангинида Худойназар Файзов рақибига имкониятни бой бериб қўйганди. Иккинчи жангда Шунқор Абдурасулов мувозанатни тиклашга муваффақ бўлди. -60 килограмм вазн тоифасида Дуван Зулетага қарши жанг қилган Абдурасулов техник ғалабани қўлга киритди. Жанг давомида Зулетанинг қоши ёрилди ва унинг мураббийлари рақобатни давом эттиришдан бош тортди.
Олдинда яна 3 та жанг бор. Қайд этиш керак, Шунқор Кубада Лазарио Алварес Эстрадага қарши рингга чиқиб, ҳар уч ҳакам баҳосига кўра мағлуб бўлганди.
Uzbek Tigers — Colombia Heroicos 1:1
- -52 кг: Худойназар Файзов — Кейбар Авила 1:2
- -60 кг: Шунқор Абдурасулов — Дуван Зулета (техник ғалаба)
- -69 кг: Маҳмуд Ғоипов — Александр Ранхел
- -81 кг: Бектемир Мелиқўзиев — Диего Мотоа
- +91 кг: Баҳодир Жалолов — Кристиан Салкедо
Colombia Heroicos бунгача Кубадан клубидан 0:5 ҳисобида енгилганди. Кейинроқ эса Венесуэла клубини ўз рингларида 3:2 ҳисобида таслим қилди, сафарда эса шу ҳисобда мағлуб бўлган.
Изоҳ (0)