WSB musobaqasining 2-turida Cuba Domadores klubini mag‘lub etib, okean ortidagi mag‘lubiyat alamini olgan Uzbek Tigers endi Colombia Heroicos bokschilarini qabul qilmoqda. Ikkinchi jangdan keyin hisob tenglashdi.
Boks oqshomining ilk janginida Xudoynazar Fayzov raqibiga imkoniyatni boy berib qo‘ygandi. Ikkinchi jangda Shunqor Abdurasulov muvozanatni tiklashga muvaffaq bo‘ldi. -60 kilogramm vazn toifasida Duvan Zuletaga qarshi jang qilgan Abdurasulov texnik g‘alabani qo‘lga kiritdi. Jang davomida Zuletaning qoshi yorildi va uning murabbiylari raqobatni davom ettirishdan bosh tortdi.
Oldinda yana 3 ta jang bor. Qayd etish kerak, Shunqor Kubada Lazario Alvares Estradaga qarshi ringga chiqib, har uch hakam bahosiga ko‘ra mag‘lub bo‘lgandi.
Uzbek Tigers — Colombia Heroicos 1:1
- -52 kg: Xudoynazar Fayzov — Keybar Avila 1:2
- -60 kg: Shunqor Abdurasulov — Duvan Zuleta (texnik g‘alaba)
- -69 kg: Mahmud G‘oipov — Aleksandr Ranxel
- -81 kg: Bektemir Meliqo‘ziyev — Diyego Motoa
- +91 kg: Bahodir Jalolov — Kristian Salkedo
Colombia Heroicos bungacha Kubadan klubidan 0:5 hisobida yengilgandi. Keyinroq esa Venesuela klubini o‘z ringlarida 3:2 hisobida taslim qildi, safarda esa shu hisobda mag‘lub bo‘lgan.
Izoh (0)