Дубай полицияси 24 февралга ўтар кечаси меҳмонхона номерида вафот этган таниқли ҳинд актрисаси Шридеви ўлими юзасидан тергов ишларини якунлади, деб хабар беради «РИА Новости».
Маълум қилинишича, актрисанинг ўлимига унинг тасодифан сувга ғарқ бўлиши сабаб бўлган.
Актрисанинг жасади 27 февраль куни Ҳиндистонга етказилган.
54 ёшли актриса Дубайдаги меҳмонхона номерининг ювиниш хонасида вафот этган. Суд тиббий-экспертиза хулосасига кўра, актрисанинг ўлимига унинг тасодифан сувга ғарқ бўлиб, сўнг ҳушини йўқотганлиги сабаб бўлган.
27 февраль, сешанба куни актриса ўлими юзасидан очилган жиноий иш ёпилган.
Шунингдек, Шридевининг қонидан алкоголь аниқланган.
Актриса БААга турмуш ўртоғи, продюсер Бони Капур ва кенжа қизи билан жиянининг тўйида иштирок этиш учун келган эди.
Шридеви ҳинд киносининг энг машҳур юлдузларидан бири ҳисобланади, у Мумбайдаги Болливуд студияларида ҳам, Жанубий Ҳиндистон киносида ҳам суратга тушган. Актриса жами 270 да картинада рол ўйнаган.
Ўзбек томошабинлари Шридевини «Артист» (1983), «Меҳрибонгинам» (1987), «Жаноб Ҳиндистон» (1987) фильмлари орқали яхши танийди.
Изоҳ (0)