Америка киноакадемиклари «Оскар» ғолиблари учун овоз берди

АҚШ киноакадемияси аъзолари нуфузли «Оскар» киномукофоти ғолиблари учун овоз беришни якунлади, мукофотни топшириш маросими 4 март куни Лос-Анжелесда бўлиб ўтади, деб ёзади «РИА Новости». Dolby Theatre кинотеатрида ўтказиладиган 90-маросимга кетма-кет иккинчи йил Жимми Киммел бошловчилик қилади.

Овоз бериш 20 февраль куни бошланган эди. Бир ҳафта давомида киноакадемиянинг барча аъзолари ўз фаворитлари учун овоз берди, ғолиблар оддий усул — кўпчилик овоз билан аниқланди.

«Оскар» мукофоти 24 та йўналиш бўйича топширилади.

«Энг яхши фильм» йўналишидаги бош мукофотга тўққизта картина — «Йўқол» (Get Out), «Леди Бёрд» (Lady Bird), «Хаёлий ришта» (Phantom Thread), «Қайғули даврлар» (Darkest Hour), «Сув шакли» (The Shape of Water), «Эббинг, Миссури чегарасидаги учта реклама тахтаси» (Three Billboards Outside Ebbing, Missouri), «Мени ўз исминг билан чақир» (Call Me by Your Name), «Дюнкерк» (Dunkirk) ва «Maxфий ҳужжатлар» (The Post) даъвогарлик қилмоқда.

Энг яхши актриса номи учун Салли Хокинс («Сув шакли»), Марго Робби («Тоня барчага қарши» — I, Tonya), Сирша Ронан («Леди Бёрд»), Мерил Стрип («Maxфий ҳужжатлар») ва Френсис Макдорманд («Эббинг, Миссури чегарасидаги учта реклама тахтаси») кураш олиб боради. «Энг яхши актёр» йўналишида эса Гари Олдман (Қайғули даврлар»), Тимоти Чаламет (Мени ўз исминг билан чақир»), Дэниел Калуя («Йўқол»), Дэниел Дей-Льюис («Хаёлий ришта») ва Дензел Вашингтон («Роман Исроил, Esq.» — Roman J. Israel, Esq.) номзодлари тақдим этилган.