Marvel студиясининг «Қора пантера» (Black Panther) кинокомикси иккинчи ҳафта ҳам Америка кинопрокатида биринчи ўринни эгалламоқда, деб ёзади «Корреспондент.net». Иккинчи уик-энд давомида у 108 миллион доллардан ортиқ пул ишлади.
Ўн кун ичида «Қора пантера» Шимолий Америкада 400 миллион доллар тўплади, кинокомискнинг бутун дунё бўйича йиғимлари ҳозир 704 миллион долларга тенг.
Иккинчи уик-энддаги йиғимлар бўйича картина тарихда иккинчи ўринни эгаллади, ушбу рейтингда биринчи ўрин эса «Юлдузлар жанги: Кучнинг уйғониши» блокбастерига тегишли (149 миллион доллар).
Иккинчи ўринни «Тунги ўйинлар» (Game Night) эгаллади, 37 миллион доллар бюджетга эга фильм дам олиш кунларида 16,6 миллион доллар ишлади.
Америка бокс-офисида учинчи ўринда — «Қуён Питер» (Peter Rabbit). Бюджети 50 миллион доллар бўлгани ҳолда, уч ҳафтада 71,2 миллион доллар ишлаб топди.
Изоҳ (0)