26 февраль куни «Вишеград гуруҳи» ва Марказий Осиё мамлакатлари ташқи ишлар вазирларининг биринчи учрашувида иштирок этиш учун Будапешт шаҳрида бўлиб турган Ўзбекистон делегацияси Корвина университети ректори Андраш Ланцзи билан учрашди, деб хабар беради ТИВ матбуот хизмати.
1853 йили ташкил этилган университет ҳозирги кунда иқтисод соҳасига ихтисослашгани билан машҳур ва жаҳоннинг энг сара 200 та таълим муассасалари қаторига киради. Ушбу даргоҳда таълим венгер, инглиз, немис ва француз тилларида олиб борилади.
Университетда бўлиб ўтган учрашувда Ўзбекистон ва Венгрия таълим муассасалари ўртасида ҳамкорлик истиқболлари юзасидан фикр алмашилди, кадрлар тайёрлаш ва илмий алмашинувлар соҳасида томонларнинг аниқ ташаббусларини татбиқ этишнинг амалий масалалари кўриб чиқилди, дейилади хабарда.
Изоҳ (0)